Meclîsê Şarê Kurdî yê Îngilîstanî bi eşkerayîyêke safhaya diyîne ya Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ daye destpêkerdene.
Endamê Meclîsî Saît Suruç û Hemsereka KHMyî ya Londonî Turkane Budak eşkerayîye wende. Eşkerayîye de dîya zanayene ke Rayberê Şarê Kurdî Abdullah Ocalanî 25 serran ra nata Îmrali de binê tecrîdêkê giranî de yo û hîrê serran ra nata zî ey ra xeberêke nêna girewtene.
Eşkerayîye de bale ameye antene ser ke Rayberê Şarê Kurdî temsîlkarê şarê kurdî yo û ganî pêro kurdîstanijî tewrê hemle bibê.
Eşkerayîye de venga pêro kurdîstanijan û dostanê înan dîya ke bi qerardarî û aktîfî tewrê Hemleya Azadîye bibê. Eşkerayîye de wina ame vatene: ”Ma do na safha de tecrîdî bişiknê û Rayber Apoyî azad bikerê.”
Eşkerayîye bi slogananê sey “Bê Serok jiyan nabe” û “Bijî Serok Apo” qedîyaye. LONDON
