Girtiyên PKK û PAJK’ê yên li girtîgehên bakurê Kurdistanê û Tirkiyeyê ji bo azadiya fizîkî ya Rêberê Gelan Abdullah Ocalan, çareserkirina pirsgirêka kurd di 27’ê Mijdara 2023’yan roja damezrandina PKK’ê de dest bi greva birçîbûnê kirin. Berxwedana zindanan 100 roj li pey xwe hişt û bi biryardarî didome. Berxwedêrên zindanan çalakiya xwe derbasî qonaxeke nû bikin.
Girtiyên siyasî bi navê Denîz Kaya di 12’ê Sibatê de daxuyaniyeke din dan û wiha gotin: “Ji bo rakirina tecrîda li ser Rêbertiya me, me di 27’ê Mijdara 2023’yan de dest bi greva birçîbûnê kiribû û me ragihandibû ku dê di 15’ê Sibatê de derbasî qonaxeke din bikin. Lê belê ji bo bandorê li pêngava li derve hatiye destpêkirin û li xebatên hilbijartinê neke, me biryar da ku piştî hilbijartinê derbasî qonaxeke din bikin. Em çalakiya xwe ya greva birçîbûnê ya dorveger heta piştî hilbijartinê dirêj dikin.”
