Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê gerîlayan û hêrişanê artêşa tirke ya îşxalkere de agahîyî dayî.
Eşkerayîye wina ya:
”Herêma Zapî
6ê adare de Warê Xoverdayîşî yê Şehîd Îbrahîmî de hêzanê ma yê YJA-Starî da dronê îşxalkeran ro û dron îmha kerd.
Hêrişê artêşa îşxalkere
29ê sibate û 5ê adare de mewzîyê Warê Xoverdayîşî yê Girê Cûdîyî çar reyî bi dronanê teqaberan û 5ê adare de Awa Lolane ya Xakurkê reyêk bi dronanê teqaberan dîyayî bombayan ver.
Mabênê 1-6ê adare de warê Bêşîlî, Şêlazê, Dergelê, Bazê, Serê Metîna yê Metîna; Warê Xoverdayîşî yê Girê Biharî yê Herêma Şehîd Delîlî; warê Şehîd Şerîf, Goşînê, Ava Lolanê, Sinînê yê Xakurkê; warê Neqaba Xêrê, Girê Zengil, Kanîsarkê, Dêreşê, Deşta Kafya, Girê, Sêdarê yê Garê û Warê Xoverdayîşî yê Şehîd Îbrahîmî yê Zapî 44 reyî dîyayî bombayan ver.”
