YBŞyî da zanayene ke 08.03.2024î de artêşa tirke ya îşxalkere vera hêzanê înan dewa Rezka de hêrişê hewayî kerd û netîceya nê hêrişî de şervanê înan Mecdel Hesen Xelef şehîd bi.
Eşkerayîye de ca dîya nîyan: ”Dewleta tirke ya îşxalkere reyna hêrişê Şingalî kerd. No hêrişo verên ê vera êzidîyan nîyo. Eşkerayo ke dewleta tirke bi nê hêrişan qirkerdişê êzidîyan wazena. Seba ke verê xopawitiş û xoîdarekerdişê êzidîyan bêro girewtene zaf hêrişî yenê kerdene. Bitaybetî serranê peyênan de dişmen semedê îşxalî çîyo ke destê ci ra yeno keno. Dewleta tirke tim vera ci ya ke Şingal de Îdareyo Xoser û hêzo leşkerî yo xoser est o û kena ke nînan werte ra wedaro. Dişmen bi nê hêrişan keno ke verê agêrayîşê Şingalî bigêro. Roja sey 8ê Adere hêriş kerd roja sîya bikerê.
Embaz Mecdel Hesen 2016 de tewrê refanê YBŞyî bi ke eşîrê Feqîran ra yo ke çirey vera dişmenanê êzidîyan milê xo çewt nêkerd. Goreyê ruhê dewrî berpirsîyarîye xo bi serkewtişî ardi ca. Embaz Mecdel tewr peynî de semedê asayîş û hûzûrê Şingalî Fermandarîya Taburî kerdêne.
Ma do rixmê heme hêrişan wayîrê erd û erjanê xo bivejîyê. Ma do sey pawitoxanê Şingalî têkoşînê xo yê heqdarî bidomnê û dişmen û paştgêranê ci ra hesab bipersê. Bi na wesîle ma keyeyê embaz Mecdel Hesenî û heme şarê Şingalî rê serweşîye wazenê. Ma reyna soz danê ke ma do heta garantîkerdişê xoserîya Şingalî şer bikerê.” ŞINGAL
