Pîrozbahiyên Newroza 2024’an bi dirûşma “Rabe dema azadî û serkeftinê ye” di 15’ê adarê de li cih û warê Kawayê Hemdem Mazlûm Dogan destpê kir. Coş û kelecana Newrozê îro li Wan, Colemêrg, Stenbol, Şirnex, Îzmîr, Dîlok, Tekîrdag, Kocaelî, Bursa, Denîzlî, Osmaniye, navçeya Giyadîn a Agiriyê û navçeyên Sêwereg, Xelfetî û Pirsûsê yên Rihayê berdewam dike. Daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk di pîrozbahiyan de derdikevin pêş.
