Koyanê Kurdîstanî de gerîlayî bi merasîmanê heybetînan Newroze pêşwazî kenê.
Herêma Biradostî de zî gerîlayan adirê Newroze vist ta. Xeylêk gerîlayî tewrê şayîye bîyî.
Şayîye bi merasîmêkî dest pêkerd. Merasîm de fermandara YJA-Starî pare kerd ke ê do xoverdayîşê 2024î goreyê ruhê Newroze pîlêr bikerê û azadîya Rayberê Şarê Kurdî Abdullah Ocalanî bîyarê ca.
Gerîlayan Roza û Dîroke Cûdî zî merasîm de qisey kerd û vat: ”Ma sey gerîlayanê YJA-Starî tîya de erjanê xo vînenê. Çunke Rayber Apo na roje manadare kerde. Ma qerardar ê ke heta azadîya Rayber Apoyî têkoşînê xo pîlêr bikerê.”
Gerîlayanê HPGyî Şervan û Rojhatî zî dîyar kerd ke ê do destûr nêdê ke adiro ke Kawayê Asinkerî vist to bêro hewnakerdene.
Gerîlayan dormeyê adirî de sloganî vatî, govende girewte û mesajê têkoşînî dayî.
