”27ê adara 2018î de herêma Samandagî ya Hatayî de mabênê embazanê ma û dişmenî de pêkewtişê giranî qewimîyayî. Nê pêkewtişan de embazanê ma Demhat û Andokî derbê giranî dayî dişmenî ro û bi fedayîtî şehîd bîyî. Ma wird embazanê xo yê fedakaran zî serrgêra şehadetê înan de bi rêz û minetî yad kenê.
Embazanê ma Demhat û Andokî bi pratîkanê xo û xoverdayîşê xo yê vera hêrişanê dişmenî ancî îsbat kerd ke mabênê înan de embazîya Apogîre ya xurte est bîya. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê embazanê xo rê dewam bikerê.
Nasnameyê embazanê ma yê şehîdan wina yê:
 |
Nameyê Qodî: Demhat Rêzan
Name û Peyname: Îsmail Ozdemîr Cayê Bîyayîşî: Şirnex Maye-Pî: Fatime – Osman Tarîx û Cayê Şehadetî: 27ê Adara 2018î / Amanos |
 |
Nameyê Qodî: Andok Bagok
Name û Peyname: Delîl Goktaş Cayê Bîyayîşî: Mêrdîn Maye-Pî: Zeynê – Îbrahîm Tarîx û Cayê Şehadetî: 27ê Adara 2018î / Amanos |
Embaz Demhat Cizîra Botanî de dadîya xo ra beno. O hêverî xebatanê ciwanan de cagêno û 2011 de zî tewrê gerîlayan beno.Embaz Demhat Kato de û vera cerganê DAÎŞî Şingal de têkoşîn keno. Dima Şingalî ra verê xo dano koyanê Amanosî. Embazê ma Demhat 27ê adara 2018î de derbanê giranan dano dişmenî to û qetî krîteranê Apogîran ra tawîz nêdano. Ma do tim bibê layîqê xeta ey a xoverdayîşî.
Embazê ma Andok Mêrdîn de dadîya xo ra beno. O detpêk de 2009 de tewrê xebatanê ciwanan beno û 2011 de tepişîyeno. Panc mengan ra dima zîndanî ra vejîyeno û verê xo dano koyan. O Garê de, Cîlo, Zap û Avaşîn de vera dişmenî xo ver dano. Embaz Andok Şingal de zî vera DAÎŞî şer keno û dima verê xo dano Amanosan. Embaz Andok heta nefesê xo yê peyênî bi qehremanî şer keno û beno şehîd.”
