Komeleya Heqanê Merdiman (ÎHD), Komeleya Huqûqnasan a Seba Azadîye (OHD), Komeleya Huqûqnasanê Modernan (ÇHD), Weqfa Heqanê Merdiman a Tirkîya (TÎHV), Weqfa Cigêrayîşanê Komelkî û Huqûqî (TOHAV), Baroyanê Mûş, Wan, Êlih, Amed, Colemêrg, Mêrdîn, Riha û Şirnexî 12ê çeleyê 2024î de pîya Komîteya Vergirewtişê Îşkenceyî (CPT) rê mektubêke şawite.
Mektube de dîya zanayene ke heqê pêvînayîşê Rayberê Şarê Kurdî Abdullah Ocalanî yeno binpaykerdene.
Merkezê Pêroyî yê ÎHDyî de îmzadaran derheqê mektube de eşkerayîye daye. Hemserekê Pêroyî yê ÎHDyî Huseyîn Kuçukbalabanî ard ziwan ke înan mektube de bale anta tecrîdê mutleqî ser û vat: ”Ma wazenê vajê ke ganî CPT goreyê erkanê xo têbigêro. Zîndanê Îmraliyî de Abdullah Ocalan, Omer Hayrî Konar, Hamîlî Yildirim û Veysî Aktaş hîrê serrî yo binê tecrîdêkê mutleqî de yê. No nêno qebulkerdene. Seba çareserîya na mesele ganî cade game bierzîya. Ma do na babete teqîb bikerê.”
