Kongreya Komelê Demokratîkî (KCD), Têgêrayîşê Cinîyan ê Azadan (TJA), Federasyonê Komeleyanê Huqûqî û Paştdayîşê bi Tepişte û Hukmwerdeyan ê MEDî (MED TUHAD FED), DBP û DEM Partî bi eşkerayîyêka çapemenîye da zanayene ke ê do bi wesîleya rojbîyayîşê Rayberê Şarê Kurdî Abdullah Ocalanî 4ê nîsane de Rayraşîyayîşê Amara serûber bikerê.
Hemsereka DBPyî Çîgdeme Kiliçgun Uçar bale ante netîceyanê weçînayîşan ser û vat: ”Ma vatbi ke êyê ke meseleya kurdan çareser nêkenê, do bikewê pê.’ Netîceyan zî ma kerdî heqdar.”
Uçare pare kerd ke çarçewa Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ de mabênê 1-15ê sibate de Rayraşîyayîşê Azadîye amebi kerdene. Uçare vat: ”Şarê ma weçînayîşan de israrê şerî yê îqtîdarî red kerd û îfade kerd ke îradeyê çareserîya meseleya kurdan Birêz Ocalan o.
Ma do 4ê nîsane de seba haştî û azadîye ver bi dewa Amara ya Xelfetî rayraşîyayîşêkî bikerê. No rayraşîyayîş do vera bêhuqûqîye, polîtîkayanê şerî û seba caardişê îradeyê şaran do bêro kerdene. Ma venga pêro kesan danê ke tewrê Rayraşîyayîşê Amara bibê. 4ê nîsane de, saete 10.00 de ma do Alîgor de bêrê yewca.”
