Kongreya Komeleyanê Demokratîkan ê Kurdîstanijan a Ewropa (KCDK-E) bi eşkerayîya nuştekîye semedê tewrbîyayîşê çalakîya bajarê Strasbourgî yê Fransa veng da û nê vatî:
”Dewleta tirke ya faşîste û hêzê mîyanneteweyîyî yêke bi bêvengîya xo paştî danê ci 25 serrî yo vera Rayber Apo, şarê kurdî û têgêrayîşê azadîye hêrişê qirkerdişî kenê. Şexsê Rayber Apoyî de tecrîdo girano ke yeno rayraberdene tersê têgêrayîşê azadîye yê kurdan û paradîgamaya netewa demokratîke ra yo. Bi tecrîdî yeno waştene ke verê paradîgmaya Rayber Apoyî bêro girewtene. Sere de CPT dezgehê ke eleqedarê babete yê nê semedî ra vera tecrîdî bêveng ê.
Hinî nê tecrîdî rê tehemulê ma nêmend. Azadîya Rayber Apoyî waştişê ma yo bingeyî yo. Rayber Apo vera qirkerdişê kurdan ê serran nameyê xoverdayîşê tarîxî yo. 15ê nîsane de bajarê Strasbourgî yê Fransa de mîtîng do bêro kerdene. Ma semedê mîtîngî bibê seferber ke dewleta tirke rê bidê vînîkerdene û waştişê hêzanê komplogêran betal bikerê. Şarê ma yo fedakar û dosmê ma ganî bi ruhê seferberîye tewrê nê mîtîngî bibê. Ma sey KCDK-E veng danê ke wa herkes tewrê nê mîtîngî bibê ke bi şîarê Rayber Apoyî rê azadîye, meseleya krudan rê çareserî yeno kerdene.”
