Vizêr Amedspor deplasman de Kastamonuspor bi skorê 1-0î bin vist. Şaredarîya Amedî Meydanê Kentî û Park Ormanî de ekranê girdî nayî ro û bi des hezaran kesan maç nê ekranan ra seyr kerd. Serkewtişê Amedsporî ra dima şarî Semtê Ofîsî yê qezaya Bajarê Nû de serkewtişê taximî fîraz kerd.
Şayîyan de sloganê sey “Bijî Serok Apo”, “İşte şampiyon işte taraftar”, “Bijî berxwedana Amed”, “Diren ha Diyarbekir diren” ameyî vatene, meşaleyî ameyî tavistene û fîşekê hewayî ameyî eştene. Şarî bi wesîleya serkewtişê Amedsporî bi wesayîtanê xo mîyanê şaristanî de konvoy viraşt.
