Merkezê Îrtîbatî û Çapemenîye yê HPGyî nasnameyê di şehîdanê Herêmanê Pawitişî yê Medya eşkera kerdî.
Eşkerayîye wina ya:
”Ewladê Başûrê Kurdîstanî yo qehreman û milîtano Apogîr embazê ma Dilxwaz Germîyan 31ê adare de Zap de hêrişê dişmenî de şehîd bi.
Embazê ma Dilxwaz hertim bi wayîrê armancanê pîlan. Ma sere de keyeyê embaz Dilxwazî rê, eşîra Cafî rê pêro şarê Başûrê Kurdîstanî rê serweşîye wazenê. Ma soz danê ke mîrasê têkoşînî yê embaz Dilxwazî bi Kurdîstanê Azadî tacîdar bikerê û xeyalanê şehîdanê xo tim teqîb bikerê.
Nasnameyê embaz Dilxwaz Germîyanî wina yo:
 |
Nameyê Qodî: Dilxwaz Germiyan
Name û Peyname: Binêr Fayiq Cayê Bîyayîşî: Rizgarî Maye-Pî: Nesrîne – Fayiq Tarîx û Cayê Şehadetî: 31ê Adara 2024î / Zap |
Embaz Dilxwaz Rizgarîya Germîyanî de dadîya xo ra beno. Embaz Dilxwaz bi şahîdê têkoşînê gerîlayan ê vera DAÎŞî û binê tesîrê nê têkoşînî de mend. Dima o bi qerardarî verê xo dano koyan. Embaz Dilxwaz 2018 de Qendîl de perwerde vîneno û 2020 de zî Dibistana Merkezî ya Partî ya Mazlûm Doganî de perwerde vîneno. O wextêkê kilmî de beno gerîlayêko marîfetîn. Embaz Dilxwaz çalakîyanê serkewteyan de tewr vernî de têkoşîn keno û derbanê giranan dano dişmenî ro. Ma doz danê ke têkoşînê ey bi ruhê fedayîyî ser bivisnê.
Argeş Kobanê
Embazê ma Argeş Kobanê 16ê çeleyê 2024î de Zap de şehîd bi.
Embazê ma Argeş destpêkî ra heta şehadetê xo bi wayîrê tewrbîyayîşêkê xurtî û wayîrê kedêka pîle. Ma sere de keyeyê ci yê ercîyayeyî rê pêro şarê ma yê welatperwerî rê serweşîye wazenê.
Nasnameyê embaz Argeş Kobanêyî wina yo:
 |
Nameyê Qodî: Argeş Kobanê
Name û Peyname: Xalid Muslum Cayê Bîyayîşî: Kobanê Maye-Pî Ferîde – Mustafa Tarîx û Cayê Şehadetî: 16ê Çeleyê 2024î / Zap |
Embaz Argeş şaristanê xoverdayîşî Kobanê de dadîya xo ra beno. Embaz Argeş wextê Şorişê Rojawanî de têgêrayîşê ma şinasnane. Dima ke dezayê ey şerê vera DAÎŞî de şehîd bîyo embaz Argeş seba qesasî verê xo dano koyan, beno gerîla. Embaz Argeş Garê de perwerde vîneno û xo her warî de aver beno. Dima o derbazê herêma Zapî beno û bi xurtî tewrê têkoşînî beno. Embaz Argeş şehadetê embazanê xo yê tunelanê şerî ra dima xoverdayîşê xo pîlêr keno û şehîdan keno rêberê xo. Ma soz danê ke têkoşînê ey ser bivisnê û ruhanê şehîdanê xo yê fîrazan şad bikerê.”
