Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
”7ê nîsane de herêma Xakurkê de varayîşê zêdeyî ra laser virazîya. Laser de embaza ma Berjîn Candaye kewta Awa Lolanî ver û şehîd bîye.
Embaze Berjîne bi nasnameyê xo yê cinîya azade her warî de krîterê partîye ardî ca û nameyê xo bi tîpanê zerdan tarîxî ser ra nuşt. Ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê şehîdanê xo bi serkewtişî berz bikerê.
Nasnameyê embaza ma ya şehîde wina yo:
 |
Nameyê Qodî: Berjîn Canda
Name û Peyname: Zelal Yilmaz Cayê Bîyayîşî: Erzirom Name-Pî: Gulten – Bahattîn Tarîx û Cayê Şehadetî: 7ê Nîsana 2024î / Xakurkê |
Embaza ma Berjîne qezaya Xinisî ya Erziromî de dadîya xo ra bena. Babîyê embaze Berjîne hetê dewleta tirke ra tepişîya û raştê xeylêk îşkenceyan ame. Embaze Berjîne bi nê hawayî rîyê dewlete yê raştikênî şinasnena. Embaze Berjîne wextê hêrişanê DAIŞî yê 2015î de seba pawitişê şarî derbazê Rojawanî bena.
Serkewtişê Rojawanî ra dima embaze Berjîne verê xo dana koyan. A Xakurkê de tewra têkoşînî bena. Embaze Berjîne sey gerîlayêka YJA-Starî xeylêk waran de xo ver dana û vera dişmenî bi fedayîtî têkoşîn kena. Embaze Berjîne bi milîtanîya xo, xeta xo ya cinîya azade û embazîya xo bena mazhara heskerdiş û hûrmetê pêro embazanê xo. A peyê xo de mîrasêkê têkoşînî yê pîlî verdena. Ma soz danê ke mîrasê aye xo rê bikerê meşale û xeyalanê ci bîyarê ca.”
