Merkezê Îrtîbatî û Çapemenîye yê HPGyî nasnameyê di şehîdanê Metîna eşkera kerdî.
Eşkerayîye wina ya:
”Adara 2024î de hêrişanê cîyayan ê vera Metîna de embazê ma Rewşene û Herekol şehîd bîyî.
Embazanê ma Rewşene û Herekolî her warî de hêrsê xo vurna çalakîye û xeyalê înan o sereke awankerdişê welat û cuyêka azade bîyî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma şexsê embazanê xo Rewşene û Herekolî de soz danê ke bibê layîqê pêro embazanê xo yê şehîdan.
Nasnameyê embazanê ma yê şehîdan wina yê:
 |
Nameyê Qodî: Rewşen Delîla
Name û Peyname: Hanim Durmaz Cayê Bîyayîşî: Wan Maye-Pî: Feyruze – Îsmet Tarîx û Cayê Şehadetî: Adara 2024î / Metîna |
 |
Nameyê Qodî: Herekol Amed
Name û Peyname: Emre Korkmazer Cayê Bîyayîşî: Amed Maye-Pî: Revzete – Mehmet Şah Tarîx û Cayê Şehadetî: Adara 2024î / Metîna |
Embaza ma Rewşene qezaya Elbakî ya Wanî de dadîya xo ra bena. Embaze Rewşene ciwanîya xo de polîtîkayanê dewlete şinasnena û kewena peyê cigêrayîşan. A 2014 de wextê Xoverdayîşê Kobanê de tewra gerîlayan bena. Embaze Rewşene Metîna de perwerde vînena û dima Akademîya Şehîd Mehmet Goyîyî de zî perwerde gêna. Embaze Rewşene vera DAIŞî Rojawan de şer kena û 2018 de Efrîn de tewra Xoverdayîşê Modernî bena. A dima agêrena Herêmanê Pawitişî yê Medya. Embaze Rewşene xeylêk waranê Metîna de şer kena. Embaze Rewşene Metîna de sey gerîlayêka YJA-Starî vera dişmenî bi xurtî têkoşîn kena û bena şehîd. Ma soz danê ke ala aye ya têkoşînî ser bivisnê.
Embaz Herekol qezaya Farqînî ya Amedî de dadîya xo ra beno. Embaz Herekol hêverî xebatanê ciwanan de cagêno û 2015 de Amedî ra verê xo dano koyan, beno gerîla. O Amed de perwerde gêno û dima derbazê Herêmanê Pawitişî yê Medya beno. Embaz Herekol wextê hêrişanê giranan de Metîna de erk keno. 2021 de o Girê Zendûra de tewrê xoverdayîşê destanwarîyî beno. Embaz Herekol heta şehadetê xo pêro erk û mesuldarîyanê xo bêkêmasî ano ca. Ma soz danê ke şexsê embaz Herekolî de têkoşînê pêro embazanê xo yê şehîdan biresnê serfîrazîye.”
