Merkezê Îrtîbatî û Çapemenîye yê HPGyî nasmeyê di şehîdanê Garê eşkera kerdî. Eşkerayîye wina ya:
”Embazê ma Ararate Herekol û Zîn Zagros 1ê nîsana 2024î de herêma Garê de şehîd bîyî. Embazanê ma Ararate û Zîne her hela têkoşînî de vera dewleta tirke ya kolonyalîste têkoşîno şorişgêr pîl kerd. Ma soz danê ke têkoşînê embazanê ma Ararate û Zîne biresnê serfîrazîye. Ma sere de keyeyanê înan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Ararate Herekol
Name û Peyname: Sîbel Deniz Cayê Bîyayîşî: Wan Maye-Pî: Necibe – Nurettîn Tarîx û Cayê Şehadetî: 1ê Nîsana 2024î / Garê |
 |
Nameyê Qodî: Zîne Zagros
Name û Peyname: Gulê Hiso Cayê Bîyayîşî: Kobanê Maye-Pî: Ceyle – Ahmet Tarîx û Cayê Şehadetî: 1ê Nîsana 2024î / Garê |
Embaza ma Ararate Erdîşê Wanî de dadîya xo ra bena. Embaze Ararate hema domanîya xo de têgêrayîşê ma şinasnena. A wextê zanîngehî de rêçê embaza xo Şehîde Sara Serhed de, 2014 de tewra gerîlayan bena. A Serhed de perwerde vînena û dima verê xo dana Herêmanê Pawitişî yê Medya. Embaze Ararate hîrê serran Xakurkê de têkoşîn kena û bena gerîlayêka YJA-Starî ya marîfetîne. Embaze Ararate her hetî ra xo aver bena û Xoverdayîşê Herêma Şehîd Delîlî ya Rojawanê Zapî de cagêna. Embaze Ararate bi qerardarî şina dişmenî ser û 1ê nîsane de hêrişê dişmenî de şehîd bena. Ma soz danê ke têkoşînê aye biresnê serfîrazîye.
Embaza ma Zîne şaristanê xoverdayîşî Kobanê de dadîya xo ra bena. Embaze Zîne Kobanê de embazanê ma yê cinîyan rê tesîr bena û têgêrayîşê azadîye şinasnena. Embaze Zîne cigêrayîşan ra dima 2014 de bi qerardarî tewra gerîlayan bena. Embaze Zîne cade adapteya gerîlatîye bena û perwerdeyan de serkewte bena. A Zap û Cîlo de vera dişmenî têkoşîn kena. Embaze Zîne dima vera DAIŞî xeylêk waran de şer kena. Embaze Zîne Akademîya Mahsum Korkmazî de tewra perwerdeyî bena. Embaza ma Zîne bi qerardarî û îdîayêka pîle ancî verê xo dana pratîkî û bala xo bi temamî dana serkewtişî. Embaze Zîne pêro erk û mesuldarîyanê xo bêkêmasî ana ca û 1ê nîsane de şehîd bena. Embaze Zîne bi tewirê xo do tim mîyanê têkoşînê ma de biciwîya.”
