Tepişteyê cinî yê ke Zîndanê Girewte yê Tîpê Myî yê Bayburtî de tepişte yî, pêvînayîşo ke bi keyeyê xo reyde kerdî de dîyar kerdê ke wirdî qawîşê ke tede bîyî ra bi bahaneyê kêmasîya cayî yê tepişteyê camêrd ê edlîyî ameyê vengkerdiş û herinda tepişteyê edlî yê camêrdî de cinîyê sîyasî ameyî cakerdiş.
Tepişteyan da zanayîş ke qawîş semedo ke hetê tepişteyê camêrd ê edlî ra ameyêne şixulnayîş zaf pîso û musaît nîyo û şert û mercê pakîye çinî yo. Tepişteyî ardî ziwan ke na babete de îdarekarê zîndanî hetkarî nêdanê û vatî ke waştişê înan ê sewqê cakerdişî nînê caardiş.
