Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
”Embazê ma Serxwebûn û Rênas çeleyê 2024î de Herêmanê Pawitişî yê Medya de hêrişê dişmenî de şehîd bîyî.
Embazanê ma Serxwebûn û Rênasî şertanê tewr zehmetan de zî derbê giranî dayî dişmenî ro. Embazanê ma bi tewirê xo yê esîlî û bi îradeyê xo yê xurtî ma rê mîrasêkê têkoşînî yo pîl verda. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke xeta embazanê xo yê şehîdan tim xo rê esas bikerê.
Nasnameyê embazanê ma yê şehîdan wina yê:
 |
Nameyê Qodî: Serxwebûn Timoq
Name û Peyname: Eyüp Alphan Cayê Bîyayîşî: Êlih Maye-Pî: Hekîme – Medenî Tarîx û Cayê Şehadetî: Çeleyê 2024î / Herêmê Pawitişî yê Medya |
 |
Nameyê Qodî: Rênas Amed
Name û Peyname: Rênas Omer Cayê Bîyayîşî: Efrîn Maye-Pî: Zeynepe– Ahmet Tarîx û Cayê Şehadetî: Çeleyê 2024î / Herêmê Pawitişî yê Medya |
Embaz Serxwebûn Êlih de dadîya xo ra beno. Embaz Serxwebûn wextê Xoverdayîşê Kobanê de 2014 de tewrê gerîlayan beno. O Avaşîn de perwerde vîneno û dima Zagrosan de têkoşînê xo aver beno. Embaz Serxwebûn tîya ra derbazê Zapî beno. 2020 de o Akademîya Hakî Karerî de perwerde gêno û keno ke kêmasî û xeletîyanê xo raşt bikero. Embaz Serxwebûn waştişê xo ser o derbazê Zagrosan beno û tîya de têkoşînêkê xurtêrî ano ca. O heta şehadetê xo bi kesayetê xo beno nimûne. Ma soz danê ke armancanê embaz Serxwebûnî bîyarê ca.
Embaz Rênas Efrîn de dadîya xo ra beno. O hêverî xoverdayîşê Efrînî yê vera îşxalî de cagêno, dima zî bi qerardarî verê xo dano koyan. O sibata 2021î de Destanê Sîyanê yê Serkewtişê Garê de cagêno. Embaz Rênas dima Akademîya Şehîd Mahîrî de cagêno û waştişê xo ser o derbazê Herêmanê Pawitişî yê Medya beno. Embaz Rênas pêro erk û mesuldarîyanê xo bêkêmasî ano ca û bi tewirê xo pêro embazanê xo rê beno nimûne. Vîrameyîşê embaz Rênas sey raywanêkê raştîye do tim rayîrê ma roşnî bikero. Ma soz danê ke heta peynî ala embazanê xo yê şehîdan berz bikerê.”
