Edîtorê servîsê erebkî yê Rojnewsî Silêman Ehmed 25ê teşrîna verêne ya 2023yî de hetê asayîşê PDKyî ra amebi tepiştene û erzîyabi Zîndanê Hewlêrî. 188 rojî yo ey ra xeberêke nêna girewtene.
Tîma avûkatanê Ehmedî Zîndanê Dihokî de waşt ke Ehmedî bivînê la asayîşê PDKyî destûr nêda pêvînayîşî.
Avûkatê Silêman Ehmedî Rêvîng Yasînî pare kerd ke eşkera yo ke Silêman Ehmed Zîndanê Dihokî de tepişîyeno û vat: ”Ez şîya zîndanî ke Ehmedî ra wekaletê pawitişî bigêra. La îdareyê zîndanî destûr nêda pêvînayîşî. Heyetê Komîsyonê Heqanê Merdiman vatbi ke Silêman Ehmed Zîndanê Dihokî de tepişîyeno. Mi zaf xîret kerd la ez nêeşkaya Ehmedî bivîna. Mi derheqê babete de agahîye daye komîsyonî. Komîsyonî soz da mi ke siba (ewro) pêvînayîşêkî serûber bikero.
Eke komîsyon sozê xo nêaro ca ma do çapemenîye rê tewirê rayaumûmîye û mîyanneteweyîyî biresnê û îsbat bikerê ke komîsyon nêeşkayo çîyêkî bikero.”
Rixmê tewir û nêrazîbîyayîşan zî hêzanê PDKyî heta nika rewşa Silêman Ehmedî ser o agahîyêke zî nêdaye.
