Nurhayat Altune 2014 de HDPyî ra bibi Hemşaredara Dêrsimî. 17ê teşrîna peyêne ya 2016î de herinda aye de qeyûm amebi tayînkerdene û Altune tepişîyabî. Altune 7 serran û nême ra dima Zîndanê Kocaelîyî ra vera dîyaye.
Keyeyê ci, aktîvîstanê Têgêrayîşê Cinîyan ê Azadan (TJA), endam û îdarekaranê MATUHAY-DERî, DEM Partî û Komeleya Huqûqnasan a Seba Azadîye (OHD) Altune verê zîndanî de pêşwazî kerd.
Altune bi çepik, tîlîlî û vilikan ameye pêşwazîkerdene û verê zîndanî de wina vat: ”Çîyo weş o ke merdim teber de bibo. La parçeyêkê mi ho zere de, embazan reyde yo. Ruhê ma hertim û her ca de azad o.”
Altune keye û embazanê xo reyde ver bi Anqara kewte rayîr.
