Hemsereka HDPyî ya verêne Fîgen Yuksekdaga ke Dewaya Kobanê de cezaya zîndanî ya 30 serran û hîrê mengan dîyaya ci derheqê bire de medyaya dîjîtale de bi rayîrê avûkatan mesajêk da.
Mesajê Fîgen Yuksekdage wina yo:
”Ma 8 serrî yo Dewaya Kobanê ra tepişte yê û ma tim rûmet, azadîya şaranê xo, cinîyan, kedkaran pawitî. Vera artêşa DAÎŞî ya qirkere û tecawuzkere û mutefîqanê ci paştdayîş û îdealê welatî komarêka demokratîke ya. Ma do vera operasyonanê tasfîyekerdişî yê sîyasetê demokratîkî xo ver bidê û her gama vera ameyoxê şaran û cuya hempare pûç bikerê. Ma bi hêz, bawerî û zanayîşê xo bawer ê. Ma hêvî kenê ke şarê ma zî do rayîrê azadîye bi qerardarî şoro. Wa çew xemgîn nêbo, zerrîya çewî nêdeja. Heta ewroyî ê nêeşkayî ke heqê ma ra bêrê. Ma do bi xoverdayîşî ser bikewê.”
