Serekwekîlanê Koma Partîya Têdûştîye û Demokrasîyî ya Şaran (DEM Partî) Gulîstan Kiliç Koçyîqît û Sezaî Temelli û wekîlanê partîye verê meclîsî de derheqê Dewaya Kobanê de eşkerayîye daye û dima ra ver bi Wezîrîya Edaletî rayra şîyî.
Gulîstan Kiliç Koçyigite eşkerayîye de nê vatî: “Îqtîdarê AKP-MHPyî xeylêk wext o wazeno ke serê Dewaya Kumpasî ya Kobanê ra sîyasetî dîzayn bikero. 7ê hezîrana 2015 de HDP bi 80 wekîlan kewt meclîs û AKP raya verêne nêeşka têna bibo îqtîdar. A roje AKP, MHP û Ergenokî planê vera kurdan fîna dewre ke HDP bêro tesfîyekerdene û destkewteyê kurdan destê ci ra bêrê girewtene.Kobanê zî leteyêkê nê planî yo. Na dewa 6 serrî cuwa pê bîlasebeb ameye akerdene. Nika na dewa ra bilaheq ceza dîyaye embazanê ma. Manîdar o ke eynî roje generalê dewaya 28ê Sibate ameyî veradayene.
