Gerîlaya YJA Starî Sema Brûsk a ke keyeyê Şenyaşaran ra ya vat a pê têkoşînê Emîne Şenyaşar sereberz a û tira hêz û moral gena.,
Gerîla Sema Brûsk ANFyî rê nê vatî: ”Hukmatê Tirkî de eke qala kurdan bêro kerdene edalet çîn beno. Eke kurdêk yew kerra bierzo bi des serran cezaya hepsî danê ci, sûcdarê ke tecawuzê cinîyan kenê yenê veradayene. Sîstemê tirkan de semedê kurdan edalet çîn o.
Gama ke merdim galê edaletî keno Keyeyê Şenyaşrî yeno vîrê merdimî. Çalakîyê Dayîke Emîne bimbarek ê.Têkoşîno zaf pîlî dana. Mêrdê û di lajê ci bi hewayêkê wehşî ameyî qetilkerdene. Rixmo ke dîmenî est ê lajêkê ci erzîya zîndan. Dayîke Emîne vera na bêadeletîye bi mengan o çalakîya xo domnena. Ez eşkena vajî ke ez nê têkoşînî ra zaf moral û hêz gena. Dewleta tirke qetlîamê vera Şenyaşaran û cigêrayîşê edaletê ci nê vînayîşî ra yena ke çîyo winayên nîno qebulkerdene.
Ez sey mensûbêka Keyeyê Şenyaşaran na bêhuqûqîye, bêadaletîye û rewşa wehşetî qebul nêkena. Keyeyê Şenyaşarî bi serran o hetê dewleta tirke rê raştê îşkence û qirkerdişan yeno. Mi zî vera nê îşkenceyî sere wedarit û verê xo da refanê PKKyî. Ez zî tîya de do cigêrayîşê edaletî rayra berê. Ez têkoşînê Şenyaşaran rê hurmet kena û pê nê sereberz a. Ganî têkoşînê Dayîke Emîne her kesî rê bibo nimûne.Ganî paştî bîdîyo ci ke no têkoşîn, no xoverdayîş bibo komelkî.”
