Merkezê Îrtîbatî û Çapemenîye yê HPGyî nasnameyê di gerîlayan eşkera kerdî ke Xakurkê de şehîd bîyî. Eşkerayîye de nê ameyî parekerdene:
”6ê nîsana 2018î de herêma Xakurkê de netîceya hêrişê artêşa tirke ya îşxalkere de mîlîtanê cesûrî yê têkoşînê ma yê azadîye, hemrayê ma Rûkene û Avînare tewrê kerwanê şehîdan bîyî. Wird hemrayanê ma Avînare û Rûkene bi têkoşînê xo yê bêhempayî ma rê têkoşîno ke do nêro vîraşîyayene mîras verda. Mîlîtanê Apoyîyî yê helanê zoran,hemrayê ma Avînare û Rûkene bi tewrbîyayîşê xo yê fedakarî bîyî pawitoxê cuyeya partîye.
Ma sere de merdimanê wird hemrayanê xo rê heme şarê welatperwerî yê Kurdîstanî rê serweşîye wazenê û soz danê ke ma do waştişê şehîdan bîyarê ca.
Nasnameyê hemrayanê ma yê şehîdan wina yê:
Nameyê Qodî: Avînar Merîvan
Name û Peyname: Rozane Vildan Kizmaz
Cayê Bîyayîşî: Amed
Maye-Pî: Zozane – Cuma
Tarîx û Cayê Şehadetî: 6ê Nîsane ya 2018î / Xakurê
Nameyê Qodî: Rûken Sipêrtî
Name û Peyname: Fatma Koyuncu
Cayê Bîyayîşî: Şirnex
Maye-Pî: Xezale – Mahmut
Tarîx û Cayê Şehadetî: 6ê Nîsane ya 2018î / Xakurê
Hemraya ma Avînare Amed de yena dinya û bi hîkayeyanê têkoşînê xalê dayîka ci hemrayê ma Şehîd Zemanî-Mustafa Gezgorî û gerîlayan sey cinîya kurde ya zanayîye bena pîl. Hemraya Avînare wextê unîversîte de aktîf tewrê xebatan bena. 2009 de birayê ci Mervan Amed-Mehmet Zuhat Kizmaz tewrê rewfanê gerîlayan beno. No aye ser o zaf tesîr keno û gerîlayan rê eleqaya ci zêdîyena.
Hemraya ma Avînare xeylêk rey yena destbendkerdene û tewr peynî de 2012 de Amed de tewrê rafanê gerîlayan bena. Perwerdeyê xo yê verênî Metîna de gena û warê Garê de tewrê xebatanê partî bena. 2013 de birayê ci Mervan Amed Geliyê Tîyarê de şehîd beno. Seba ke bibo layiqê birayê xo wazena şiro cayê şerê germinî û verê xo danê Xakurkê. Tîya semedê qesasgirewtişê şehîdan xeylêk çalakîyanê serkewteyan de ca gena.
Hemraya ma Avînare Xakurkê de 6 serrî gerîlatîye kena, tîya berpirsîyaranê girdan gena xo ser û bi serkewtişî ana ca. Hemraya ma Avînara ke hetê embazanê xo ra zaf yena heskerdene sey gerîlaya serkewtîye ya YJA Starî tarîxê têkoşînê ma de cayê xo gena.
Hemraya ma Rukene Silopîya de keyeyêkê welatperwerî de yena dinya û seba ke keye û eşîrê ci yê Sipêrtî ra tewrbîyayîşî est ê têgêrayîşê ma rewî ra nas kena, xebatanê sîyasîyan de ca gena û 2012 de herêma Cûdî de tewrê refanê gerîlayan bena. Perwedeyê xo yê verênî herêma Cûdî de gena û lezabez cuyeya gerîlayan musena. Wextê kilmî de xo hetê îdeolojî û leşkerî ra aver bena. Badê perwerdeyî ravîyarena herêma Herekolî û tîya pratîk de tecrubeyan kena pêser.Bi vengdayîşê Rayberîya ma 2013 de komanê Rayraşîyayîşê Çareserîya Demokratîkî de ca gena û verê xo dana Heftanînî. Tîya mektebê operasyonî de perwerde vînena. Sey mîlîtana serkewtîye ya YJA Starî 2014 de verê xo dana Rojawanî û vera çeteyan şarê xo pawena. Rojawan de xeylêk hemleyan de ca gena û Cezaa de pêkewtiş de sereyê xo ra birîndar bena. Bado ke yena tedawîkerdene agêrena warê şerê tewr germinî. Têkoşînê Kobanê de ca gena û 2015 de Kobanê de destê xo ra birîndar bena. Di serrî Rojawan de hemle ra vazdana hemleya bine û dima ra verê xo dana Vakurê Kurdîstanî. Wextê Xoverdayîşê Xoîdarkerdişî de pêkewtişan de aktîf ca gena.2016 de xebatanê YPSî yê Silopîya de ca gena. Dima reyna verê xo dana koyanê Kurdîstanî û tewrê Akedemîya Cinîya Azade ya Şehîde Bêrîtane bena. Hemraya ma Rûkene badê perwerdeyê serkewteyî wazena şiro warê şerê giranî û verê xo dana Xakurkê. Tîya aktîf mîyanê çalakîyan de ca gena.”
