Hemsereka Pêroyî ya Partîya Demokrasîyî û Têdûştîye ya Şaran (DEM Partî) Tulay Hatimogullari meclîs de kombîyayîşê grûbe kerd û rojdem erjna.
Tulay Hatimogullari nê vatî: ”Îqtîdar bi destsernayîşê Şaredarîya Colemêrgî kurdan rê vano ‘Heqê şima yê vîjnayîş û vîjnayene çîn o’ şima hemwelatîyê nê welatî nîyê, şarê kurdî û şarê ke paştî danê kurdan û hêzanê demokrasîyî rê zî vano ‘Şima problemê asayîşê neteweyî yê.’ Şima nê bi mîlyonan rê vanê. Wexto ke kurse de qisey kenê kurdan red kenê la wexto ke vejîyenê teber zî qalê wayûbiratîye kenê. Edebîyatê goşt û nenguyî kenê. Ma hinî nê tîyatroyî ra eciz bîyî. No tîyatro bêro qedînayene.”
Hatimogullari fotografê Şaredarîya Colemêrgî yo ke binê ablûaya polîs û leşkeran de yo mojna ra û nê vatî: ”Tîya verê Walîtîya Colemêrgî yo. Tarîx do nê fotografî xo vîra mekero. AKP vano ya ê vera cuntaya leşkerî yê la biewnê leşkerî tîya de yê. Pîya bi polîs û leşkeran derbeya sîyasîye kerde. Binê nê fotografî de morê AKPyî est o ke xo sey mexdûrê rejîmê cunya hesibneno. Tarîx do nê fotografî xo vîra mekero û ma zî do medê vîrakerdene.”
Hatimogullari wina dewam kerd: ”Inkey embazê ma Mehmet Sidik tepişte yo. Herinda ci de Vîyane Tekçe sey hemşaredare ameye vîjnayene ke do wekaletê ey rayra bêro. Ma tîya ra Vîyane Tekçe pîroz kenê.Cade qeyûmê xo peyser biancê. Meclîsî Vîyane Tekçe vîjnaye.Wa walî şiro karê xo bikero. Warê vîjnayeyan de cayê ey çîn o. Cayê tayînkerdişî çîn o, do mebo. Sey dehaq û fravunan şima zî do vera merdimîya pîle bin bikewê. Ma do vera qeyûman Colemêrg de zî sey Wanî têkoşîn bikerê.Ma do Colemêrg de sey Dayîke Surmi têkoşîn bikerê.”
