Desthilatdara faşîst a AKP-MHP’ê li bajarên bakurê Kurdistanê di bin navê ewlehiyê de qereqolan çûdike û hejmara qereqolan her diçe zêdetir dike. Ev qereqolên tên çêkirin parçeyeke polîtîkayên şerê taybet e û jiyana niştecihan dixe xetereyê û bi vê re xwezayê jî wêran dike. Mînaka herî ber biçav qetilkirina Ceylan Onkol e. Ceylan Onkol a ku di 28’ê îlona 2009’an de li mezraya Xanbaz a Licê ya Amedê bi topên hewanê yên ji qereqola artêşa tirk hatibû avêtin, jiyana xwe ji dest dabû.
Li bajarên ku herî zêde bi çêkirina qerekolan tê zanîn Şirnex e. Li gundê Hespît ê Hezex a Şirnexê çêkirina qereqolê hat destpêkirin û welatiyên herêmê bertek nîşan dan. Çêkirina qerekola ku di 29’ê gulanê de dest pê kirin, qada ku hewşên gel lê ne dagir kir. Welatiyan ji leşkeran re diyar kirin ku ew çêkirina qerekolê naxwazin û bersiva ‘Ev biryara walitiyê ye, tiştekî di destê me de tuneye’ girtin.
Der barê mijarê de ji gundiyan Muhammed Abdullah Nas axivî û got hewşa mala birayê wî bi awayekî bê dagirkirin, navberê de 5 metre heye qerekol hatiye avakirin. Muhammed da zanîn ku 10 donim erd ji bo çêkirina qereqolê dane leşkeran lê got ew vê qebûl nakin. Muhammed diyar kir ku tevî hemû bertekan çêkirina qereqolê didome.
