Îqtîdar bajaranê Kurdistanî de binê nameyê asayîşî de hûmara qerekolan her ke şino zêde keno. Derheqê qerekolê ke sey parçeyêk polîtîkayê şerê taybetî yenê viraştiş, Ajansê Anadolu 2018ine de xeberêke serwîs kerd û goreyê xebera 2018ine de 68 qerekolî ameyê temamkerdiş. Qerekolê ke viraştişê înan 2008ine de ameyê destpêkerdiş, Kurdistan de talanê xoza rê benê sebeb. Yew bajarê ke tewr zêde bi viraştişê qerekolan yeno zanayîş Şirnex o. Dewa Hespîtî ya Hezexî ya Şirnexî de viraştişê qerekole ame destpêkerdiş û welatijê herême reaksîyon mojnayî. Viraştişê qerekolê ke 29ê Gulane de dest pêkerd, wareyê ke hewşê şarî ci de yê, îşxal kerd. Welatijan leşkeran rê dîyar kerdî ke ê viraştişê qerekolî nêwazenê û cewabê, ‘no qerarê walîyî yo, çîyêk destê ma de çin o’ gênê.
Derheqê babete de dewijan ra Muhammed Abdullah Nas qisey kerd û vat, hewşê keyeyê birayê ey, bi hawayêkê bê îşxalî, mabêne de 5 metre est o ke qerekol ameyo awankerdiş. Muhammedî da zanayîş ke 10 donimî erd, seba viraştişê qereqolî dayê leşkeran la vat, ê nê qebûl nêkenê. Muhammedî dîyar kerd ke pêwa pêro reaksîyonan viraştişê qerekole dewam keno.
