Endamê Komîteya Rayberdişî ya PKKyî Duran Kalkanî programê Medya Haberî de rojdem erjna. Qiseykerdişê Kalkanî ra qismêk wina yo:
”Ez mîmarê têkoşînê Îmraliyî Rayber Apoyî bihurmet selam kena. Îmrali de hêriş, tecrîd, îşkence û qirkerdiş dewam keno. Xora vera nê têkoşîno tewr bimana û gird ê tarîxî zî dewam keno. Ganî ma sîstemê Îmraliyî yo ke qet yew huqûq û ehleqî nas nêkeno, teşhîr bikerê. Coka ma vat têkoşînê huqûqî zaf muhîm o. Vera tecîrî têkoşîn yeno kerdene la ganî no têkoşîn bêro xurtkerdene. Ganî dahîna zaf şiro CPTyî ser ke wezîfeyê xo bîyaro ca.
Nobeta Edaletî ya Starsbourgî 12 serrî yo bêmabeng yena kerdene. Kesê ke tewrê na çalakîye bîyî ez înan selam kena. Bi na çalkîye hêvî ameye afirnayene û îrade ame pêardene. Her hetê dinya ra şarê kurdî û dostê înan tewrê nobete bîyî. Nika çalakîye dahîna gird bîye, hîra bîye. Eslê xo de bîye estûna hemleya ma ya azadîye ya globalî. Na çarçewa de do dahîna aver şiro û netîce bîgêro. 25ê hezîrane de na nobete kewna serra 13ine. Çapemenîye de dîya zanayene ke serrgêra ci de do çalakîya girde bêro kerdene. Ganî şarê ma tewrê na çalakîye bibo.
Demê peyênî de heme Herêmanê Pawitişî yê Medya de Avaşîn de xora Zap de û Metîna de tim benê. Reyna Xakurkê çalakîyî bîyî, dewam kenê. Gerîlayî rojane darbe danê naxirê faşîstî yê hêrişkar, îşxalkerî yê AKP-MHPyî ro. Paştîya înan teknîkê ci ra pêtbî. Vatênê şerê teknîk û îstîxbaratî. HPG netîceya şerî vila keno. Ê çend binimnê zî hîni vejîyeno werte. Hinî azmînî ra xirbeyê faşîzmê AKP-MHPyî varenî her hetî rê. Başûrê Kurdîstanî ame nê halî.
Tayyip Erdoganî tim wasifnayêne. Televîzyonanê AKPyî tim mojnayêne ra vatênê, SîHA yê ma est ê, wina fir danê. Firdayîş û pirodayîşê înan mojna ra la qey wardayîşê ci nêmojnenê ra. Pirodayîşê 27ê gulane û 6ê hezîrane muhîm bi. Hinî teknîkî ser o dengeyêk ameyo pêardene. Faşîzmê AKP-MHPyî hinî nêeşkeno goreyê xo têgbigêro. Înanê ke SÎHAyî dayî war û darbeyî dayî naxiranê faşîstan ro ez înan pîroz kena. Bi na wesîle a ez hêzanê HPG û YJA Starî selam kena.
Faşîzmê AKP-MHPyî zaf terseno. Rayapêroyîya Tirkîya û teberî ra terseno. 24 saetî mîyanê tersî de yo. Vano eke raştîye vejîyo werte û paştdayîş mero dayen ez do se bikerî. Ma tim vanê; ters ecelî rê feyde nêkeno. Se kenê wa bîkerî faşîzmê AKP-MHPyî do rijnayîşî ra mexelisîyo. Hem zî wextê zaf kilmî de. Faşîzmê AKP-MHPyî têna bi şerî eşkeno bêro rijnayene. Ma serkêşîya têkoşînê antîfaşsîtî kenê. Ganî ma bi şerkerdişî nê şerî dahîna gird bikerê û aver berê. Ma nê faşîzmî û heme xîleyanê ci birijnê ke wa dahîna zaf Tirkîya mehelisno, dahîna zaf îmkananê Tirkîya xerc mekero, wa komel dahîna zaf zirar mevîno. Ganî ciwan, cinîû û kedkarê Tirkîya vera faşîzmî têkoşînê radîkalî bikerê û zafêr tewrê şerê antîfaşîstî bibê.
Hêrişê vera Şaredarîya Colemêrgî darbe yo, desternayîşê îradeyî yo. Binê nameyê qeyûmî de dest nanê ser. Rixmê heme xîleyanê xo weçînayîş de ser nêkewwtî. Nika wina dest nanê ser. No şerê şiknayîşê îradeyî yo. Raşta zî wazenê îradeyî bişiknê. Şarê Kurdîstanî weçînayîş de wayîrê îradeyê xo vejîya, qeyûmî ritî eştê teberî, Kurdîstanî ra eştê teberî. La nika vano ‘şima ser bikewzî ez do îdare bikerî.’
Kurdîstan de huqûqo cîya est o. Meclîs de zî ame vatene. Wekîlanê kurdan bi vatişê ‘Şima Kurdîstan de îşxalkerî’ na raştîye ard ziwan. Çîyêkê Rayber Apoyî 50 serrî verî vatî ewro kuçeyan de yenê vatene, kursuyê meclîsî de yenê vatene. Her hetî ra paştî dîyena Colemêrgî. No paştdayîş muhîm o. Ez înan perûne selam kena. Faşîzm zafhetin hêriş keno, coka ganî têkoşînê vera ci zî ganî zafhetin bo. Vera faşîzmî mil çewt nêbeno, vera ci têkoşîn yeno kerdene. Ma tim vanê faşîzm hêrişo topyekun o, şer o. Ganî vera ci têkoşîn bêro xurtkerdene, têkoşîno radîkal bêro kerdene.”
