Taxanê Keleka Çemê Reşan û Dirînê yê qezaya Şemrexî ya Mêrdînî de şewat vejîya ke sebebê ci nîno zanayene. Şewat bi girdbîyayîşî resa cayanê roniştişî. Dîya zanayene ke merde û birdîndarî est ê.Şaro ke bi tehlukeyê vêşayîşî rî bi rî mend mudaxaleyê selahîyetdaran paweno. Hemşaredara Şemrexî Kudrete Uçuk vat: ”Rewşe zaf xirab a. Ma xebere daye qeymeqam û walîyî, helîkopter weşte la hema zî nêşawîyayo. Bi ekîbanê îtfaîye şewatî rê mudaxale nîno kerdene. Ganî helêke cuwa ver pê helîkopterî mudaxale bêro kerdene.
Seba ke şewat bi gird dewijan keyeyê xo caverdayî, dîya zanayene ke merde û birîndarî est ê.
Mêrdîn de heme îtfaîye û ambûlansî sewqê herême bîyî. Seba ke wesayîtî kêm ê, Amed û bajaranê derûdorî ra wesayîtî şawîyayî. Hema hewayî rê mudaxale nêameyo kerdene.
