Artêşa tirke bi paştdayîşê NATO û PDKyî Başûr û Herêmanê Pawtişî yê Medya de 3 serrî û 4 mengî yo hêrişê qirkerdişî kena. Gerîlayê HPG û YJA Starî vera nê hêrişan têkoşînê tarîxîyî kenê.
Dewleta tirke ya îşxalkere bi hêrişanê vera Başûrê Kurdîstanî û Herêmanê Pawitişî yê Medya wazena gerîlayan tesfîye bikero, warê ke îşxal kerdî bikero warê tamponî, ver bi Musul-Kerkûkî şiro û Bexdadî sero zafêr zext bikero. Semedê nê zî hêrişanê tewr wehşî û giranan ê tarîxî kenê. Gerîlayî zî vera nê têkoşînê tarîxî kenê. No têkoşîn çar serrî yo dewam keno û bitayberî hîrê serrî yo têkoşînê tunelan yeno kerdene. Reyna bi tîmanê erazî zî Zap, Metîna û Avaşîn de şer yeno rayraberdene. Têkoşînê gerîlayan artêşa NATOyî vindarneno. Vera gazanê kîmyewîyan û heme hêrişanê bînan û teknîkî têkoşîn yeno kerdene. Gerîlayî hem vera hêrişê qirkerdişî xover danê û hem zî bi çalakîyan cewab danê.
Warê Xoverdayîşî yê Girê FMyî yê Eyaletê Şehîd Delîlî yê Rojawanê Zapî de vera Girê Şehîd Munzurî hêrişê gazanê kîmyewîyan, bombayanê taktîk nukleerî, tank, top, droneyê teqaber barkerdeyî, teyarayanê şerî tam 3 serrî 4 mengî yo nêvindeno. Gerîlayî zî bi şerê tunelan û erazî cewabê ci dano. Tunelanê şerî de cinî û camêrdê ciwanî yê Kurdîstanî şerê îradeyî rayra benê. Gerîlayanê ke bi rûhê fedayî Apoyî xo kerdo mehkem, pewerde kerdo û newera afirnayo,bi zanayîşê îdeolojîkî û tecrubeyî hunerê şerî de xo resnayo û aver berdo. Na bingeyî de têkoşînî munenê.
Artêşa tirke mabênê 30ê gulane -7ê hezîrane de bi ganzanê kîmyewîyan hewa û erdî ra, şewe û roje bêmabên hêriş û bombarduman kerd. 9 rojan de 71 reyî gazanê kîmyewîyan û teqaberanê qedexeyan hêriş kerd.
HPGyî no rojene rayapêroyîye dir pare kerd:
30-31ê gulane û 1ê hezîrane de tunelê ma yê Warê Xoverdayîşî yê Girê FMyî yê Herêma Şehîd Delîlî ya Rojawanê Zapî 21 reyî bi gazanê kîmyewîyan dîyayî bombayan ver.
2-3ê hezîrane de tunelê ma yê Warê Xoverdayîşî yê Girê FMyî yê Herêma Şehîd Delîlî ya Rojawanê Zapî 27 reyî bi gazanê kîmyewîyan dîyayî bombayan ver.
4 û 5ê hezîrane de tunelê ma yê Warê Xoverdayîşî yê Girê FMyî yê Herêma Şehîd Delîlî ya Rojawanê Zapî 13 reyî bi gazanê kîmyewîyan dîyayî bombayan ver.
6ê hezîrane de tunelê ma yê Warê Xoverdayîşî yê Girê FMyî yê Herêma Şehîd Delîlî ya Rojawanê Zapî 7 reyî bi gazanê kîmyewîyan dîyayî bombayan ver.
7ê hezîrane de tunelê ma yê Warê Xoverdayîşî yê Girê FMyî yê Herêma Şehîd Delîlî ya Rojawanê Zapî 3 reyî bi gazanê kîmyewîyan dîyayî bombayan ver.
