Qezaya Xîzanî ya Bedlîsî û qezayanê Şirvan û Perwarî yê Sêrtî de operasyonê îşxalî ke hetê dewleta tirke ra 22ê hezîrane de dîya destpêkerdene warê hîra de dewam keno.Operasyon dewanê Akûnis, Govan, Lanîlan, Xûlepûr, Kekulan, Sûreh, Pertawan, Hûzeran, Giran, Mezra Pisyan, Geliyê Nemiran, Desta Ovî, Deşta Kaviltîn û Çiyayê Hêstirê yê Xîzanî û herêmanê Sirwan û Perwarîya Sêrtî de dewam keno.
Operasyono ke bi seyan leşker û qoricîyî tewrê ci bîyî de daristanê dewan pê helîkopteran dîyenî bombayan ver. Dewê Gîran û Hûzeranî vizêrna binê ablûqa de yê, daristan û darê fekî dîyenî bombayan ver. Reyna dekewtiş û vejîyayîş dewan de zî caardişê GBTyî est o. Reyna warayê dewanê Mezra Pisyan, Geliyê Nemiran, Deşta Ovî û Deşta Kaviltînî ameyî qedexekerdene.
Qezaya Elkê ya Şirnexî de zî operasyonê leşkerî yê ke 21ê hezîrane de mabênê dewanê Melesê, Çiyayê Bermal û Hemka de dîya destpêkerdene dewam keno. Dîya zanayene mabênê qoricî û leşkeran û gerîlayan de pêkewtişî qewimîyayî.
