Navenda Ragihandin û Çapemeniyê ya HPG’ê derbarê çalakiyên gerîlayên azadiyê yên li hemberî dagirker tirk daxuyanî da. HPG’ê anî ziman ku gerîlayan li hemberî dagirker 4 çalakiyên hewayî li dar xistin. Daxuyaniya Navenda Ragihandin û Çapemeniyê ya HPG’ê wiha ye:
“Ji bo bîranîna fermandara me ya fedayî ya Apoyî Axîn Mûş ku Endama Konseya Fermandariya HPG û YJA Starê ye û fermandariya Tabûra Nemiran û Eyaleta Amedê kiriye, Yekîneya Şehîd Axîn Mûş hate avakirin. Yekîneya Şehîd Axîn Mûş bi amûrên hewayî 4 çalakiyên cuda lidar xistin.
Yekîneya me ya Şehîd Axîn Mûş 4’ê Tîrmeha 2024’an dagirkerên ku xwestin li qada Sergelê bi cih bibin kir hedef, 2 caran dagirkerên ku li hev kom bûne, carekê wesayîta zirxî ya tîpa Kîrpî û carekê jî cepxaneya ayîdê dagirkeran ji hewayî ve lêxist. Di 4 çalakiyên hewayî yên ji aliyê Yekîneya me ya Şehîd Axîn Mûş ve hatîn lidarxistin de, bi giştî; 5 dagirker hatin cezakirin, wesayîta zirxî ya bi tîpa Kîrpî û cepxaneya ayîdê dagirkeran hatin îmhakirin.”
