Nobeda Azadiyê ku li bajarê Strasbourgê yê Fransayê di 25’ê hezîrana 2012’an de ji bo azadiya fîzîkî ya Rêberê Gelan Abdullah Ocalan û bidawîkirina sîstema êşkenceyê ya Îmraliyê hatibû destpê kirin, di sala 13’an de bi biryardarî didome.
Çalakiya ku her hefteyê bi komeke ji kurd û dostên wan ên li Ewropayê dewam dike, kete hefteya 630’î. Di hefteya nû ya nobedê de koma ji bajarê Saarbruckenê yê Almanyayê çalakî dewr wergirt. Bi navê Navenda Civaka Kurd a Demokratîk Hasan Torî, Lîlav Şêxahmed û Egîd Kaplan di nava koma çalakiyê de ne.
Di nava rojê de endamên Navenda Civaka Kurd a Demokratîk a Saint-Avold a Fransayê serdana çalakgeran kirin. Çalakgeran peyama dîtbarî şandin. Di peyamê de ev tişt anîn ziman: “Aramnaca me ya sereke azadiya Rêber Apo ye. Heta ku azadiya Rêberê xwe misoger bikin em ê têbikoşin.”
