Polîsên faşîst li ser lêpirsîna Serdozgeriya Amedê roja 24’ê îlonê bi ser avahiya MED-DER’ê, Kooperatîfa Anka û Payîz Pirtûkê de girtin û 30 rêveberên saziyan û mamosteyên zimanê kurdî hatin binçavkirin. Her 30 kesên hatin binçavkirin, ji ber beyanên îtirafkar Umît Akbiyik û 2 şahidên veşarî yên li ser bi sedan kesî îfade dane hatin binçavkirin.
Ji kesên hatin binçavkirin 28 kes serbest hatin berdan. Nivîskarê me û Hevserokê MED-DER’ê yê berê Rifat Ronî bi îdiaya “endamtiya rêxistinê” hat girtin. Dîlan Guvenç a bi daxwaza girtinê sewqî dadgehê hat kirin jî bi şertê kontrolkirina edlî hat berdan.
