Rojnameya Xwebûnê ya hejmara 253’yemîn bi manşeta “Çareserî li Îmraliyê ye” derket. Rojnameyê bi vê manşetê bal kişand ser niqaşên “çareseriyê” yên ku beyî Rêberê Gelan Abdullah Ocalan tên kirin.Rojnameya Xwebûnê di vê hejmara xwe de bi surmanşeta “Bi muzeya çandê, bîrê tune dikin” û bal kişand ser xerakirina Zindana Amedê ku hewl didin bîr û hafizaya îşkenceyê tune bikin û li şûna wê muzeya Etnografyayê ava bikin.
Rojnameyê bi binmanşeta “Malbatek demokratîk çawa tê avakirin” bal kişand ser kuştina jinan a din ava malbatê de. Nivîskar Serdil Akdag di nivîsa xwe de diyar dike ku bi hezaran jin di encama tundiya di nav malbatê de tên kuştin û got: “Bi demokratîkkirina malbatê ew tundiya ku di nav malbatê de dest pê dike û li nav civakê belav dibe dê kêmtir bibe û bi demê re dê ew tundî ji holê rabe.”
