Şaredarê Esenyûrtê Ahmet Ozer bimoperasyona qirkirinê hatibû binçavkirin, piştî karên îfadeyê yên li midûriyeta polîsan sewqî edliyeyê hat kirin. Ozer, piştî îfadeya li dozgeriyê bi îdiaya “endamtiya rêxistinê” bi daxwaza girtin sewqî Dadgeriya Ceza ya Sulhê hat kirin. Ozer piştî lêpirsîna li dadgeriyê bi îdiaya “endamtiya rêxistinê” hat girtin Şaredar Ozer di îfadeya xwe de diyar kir ku desthilat hewl dide îradeya gel xesp bike û bi îdiayên derheqê wî de re bingeha qeyûm amade bikin. Piştî girtina şaredar Ozer Wezareta Karên Hundir, Şaredarê Esenyûrtê Ahmet Ozer ji peywirê girt, biyara dagirkirina şaredariya da û Cîgirê Waliyê Stenbolê Can Aksoy weke qeyûmê dagirker şand şûna şaredar Ozer.
Platforma Saziyên Demokratîk têkildarî girtina Serokê Şaredariya Esenyurtê Ahmet Ozer û tayînkirina qeyûmê ser şaredariyê daxuyaniyek nivîskî belav kir. Di daxuyaniyê de wiha hat gotin: “Hûn ê nikaribin îradeya gel têk bibin. Îdianameya bi salan şûn ve der barê Ahmet Ozer de hatiye amadekirin pûç e, kêfî ye, bêhiqûqî ye û bêhikm e. Êdî tu hal û qeweta siyaseta vê desthilatdariya ku welat ber bi xreakirinê ve dibe, mafê bijartin û hilbijartinê desteser dike nemaye. Desthilatdarî îradeya gel nas nake. Armanca vê desthilatdariyê ne aştiya civakî ye, armanca wê aloziya civakî ye. Vê desthilatdariya ku encamên hilbijartina 31’ê Adarê qebûl nekir, ewilî li Colemêrgê qeyûm tayînî ser îradeya gelê kurd kir. Îro jî li Esenyurtê îradeya gel desteser dikin û dixwazin siyaseta xwe ya rantê bidomînin. Dixwazin îradeya gel îlegalîze bikin. Desthilatdarî dixwaze xwe bi vî awayî li ser linga bigire. Divê berxwedan û têkoşîna li Wan û Colemêrgê derket holê, niha jî li Esenyûrtê hin bêtir bê berfirehkirin û were xurtkirin. Em li dijî înarê, asîmîlasyonê, tecrîdê, yekperestiyê û desteserkirina îradeya gel hemû gelan vedixwînin ku berxwedana demokratîk mezin bikin.”
