Şaredarîya Girdî ya Gumgumî ke destê APKyî de ya seba viraştişê îstasyonê petrolî ersayê goristanî rot. Serekê CHPyî yê qezaya Onîkîşûbatî Unal Ateşî reaksîyon nîşanê rewşe da û va: “Çim vera dayî herra merdeyan zî.”
Şaredarîya Girdî ya Gumgumî ke destê APKyî de ya seba ke raşteyê Goristanê Şeyh Adilî yê qezaya Dulkadîrogûllarî yê Gumgumî hîra bibo, tesîsê aîdê Karê Awe yê Dewlete (DSÎ) û Mudirîya Pêroyî ya Rayîrê Dorme (KGM) rijna û îstimlaq kerde.
Labelê şaredarîya ke ersayê goistanî îstimlaq kerdbî, hetê ci yê raşteyê yewin seba viraştişê îstasyonê petrolî rot fîrmayêko ke merkezê ci Dîlok de yo rê. Serekê CHPyî yê qezaya Onîkîşûbatî Unal Ateşî reaksîyon nîşanê rewşe û da zanayîş ke îdarekarî heme ersayê aîdê dewlete seba rantî pêşnîyazê patronanê ke nizdîyê AKPyî yî kenî û badê ke ersayê gandaran qedîyayî nika zî çim vera dayî herra merdeyan. Ateşî qiseykerdişê xo de dîyar kerd ke kesê ke Anqara parsel bi parsel rotî, nika zî Gumgumî parsel bi parsel roşenî. MEREŞ
