Serdozgerîya Komarî ya Mêrdînî badê serrîyêk îdîanameyê xebatkarê Rojnameyê Azadîya Welat ke bi KHKyî ameybî padayîş Çetîn Kurşunî ke zindan de yeno muhakemekerdiş amade kerde. Kurşunî do 7ê Sibate de vejîyo vernîya mehkema.
Serdozgerîya Komarî ya Mêrdînî badê serrîyêk xebatkarê Rojnameyê Azadîya Welatî ke Qerarnameyê Hukmê Qanûnî (KHK) Çetîn Kurşunî amade kerde. Îdîaname hetê 2. Mehkemaya Cezaya Giran ya Mêrdînî ra ame qebulkerdiş. Polîsî 6ê Sibata 2018î de eştbî serê keyeyê Çetîn Kurşunî ser. Polîsî eştişê serê keye de Çetîn Kurşun û birayê ci Sedat Kurşunî keye de tepiştî. Badê ke Çetîn û Sedat Kurşunî 13 rojan binê çiman de mendî, Çetin Kurşun mehkema de ame tewqîfkerdiş û Sedat Kurşunî zî serbest ame veradayîş. Çetîn Kurşuno ke nizdîyê yew serrî yo Zindanê Tîpa Eyî yê Mêrdînî de yeno tepiştiş û tewqîfkerde yo, hema newe dozger îdîanameyê derheqê ci û yê birayê ci amade kerd. Dozger îdîanameyo ke 12 ripelan ra pê yeno de Kurşunî bi ‘Endamîya rexistine’ sucdar keno.
Mehkemaya yewin do 7ê Sibatê de pê bêro. MÊRDÎN
