Li ser sînorê di navbera başûr û rojhilatê Kurdistanê de 2 kolberan jiyana xwe jidest da û ji ber sermayê jî kolberek her du destên xwe wenda kir
Ji ber hejarî û bêkariyê bi hezaran welatiyên rojhilatê Kurdistanê neçar mane karê kolberiyê bikin. Rojane kolber rastî êrîşên çekdarî yên rijêma Îran û leşkerên tirk tên. Carnan jî di bûyerên xwezayî de jiyana xwe ji dest didin yan jî birîndar dibin.
Li gorî nûçeya Rojnewsê di rapora Komeleya Mafên Mirov a Kurdistanê tê gotin ku kolberê bi navê Osman Remezanî yê ji Serdeşta rojhilatê Kurdistanê ye dema xwest rûbarê Nûkan ê di navbera rojhilat û başûrê Kurdistanê de derbas bike, ket rûbar û xeniqî.
Li gorî heman zanyariyan kolberê bi navê Haşim xelkê gundê Çarstûnî yê Selmasê ye ji ber sermaya zêde her du destên wî sir birin û piştî veguhastina nexweşxaneyê her du destên wî ji aliyê bijîşkan ve hat birîn.
Her wiha di 12’ê çileyê de jî kolberê bi navê Eyûb xelkê gundê Dişwana Serî ya ser bi Selmasê ve li ser sînorê di navbera rojhilat û başûrê Kurdistanê de ji serma qefilî û jiyana xwe ji dest da.
Ji destpêka vê mehê ve li ser sînorê rojhilatê Kurdistanê ji ber êrîşên rejîma Îranê 5 kolber hatin kuştin û 10 kolber jî birîndar bûne. SILÊMANÎ
