Li bakur û rojhilatê Nîjeryayê ji 26’ê kanûnê ve di navbera komên çekdar de şer heye û hate ragihandin ku heta niha zêdetirî 100 leşker mirine
Di hefteyên dawîn de li bakur û rojhilatê Nîjeryayê êrîş zêde bûne û bi hezaran kes neçar man birevin herêmên ewle.
Êrîş di 26’ê kanûna 2018’an de li herêma Baga-Kawa dest pê kirin. Ev êrîş beriya ku hilbijartinên serokkomariyê ku tê payîn dê 16’ê sibatê pêk were, pêk hatin. Serokkomarê niha Muhammmadû Bûharî hêvî dike ku cara duyem bibe serokkomar.
Di êrîşan de baskekî Boko Haram yê ku girêdayî çeteyên DAIŞ’ê ne, berpirsyar tê dîtin.
Li gorî rapora ku ji aliyê koma saziyên mirovî yên di bin banê Komîseriya Bilind a Penaberan a Netewên Yekbûyî ya Çadê, di êrîşên li dijî artêşa Nîjeryayê de zêdetirî 100 leşker mirine û di raporê de hat gotin ku li gorî agahiyên berdest, komên çekdar dest danîne ser gelek depoyên girîng ên çekan.
