Hemverê peynîkerdişê tecrîd û piştîdayîşê grevê vêşanîye yê zindanan Raşteyê Îstasyonî yê Amedî de mîtîng yeno viraştiş. Seba mîtîngî Mêrdîn, Şirnex û sewbîna xeylê cayan ra hemwelatîyî kewtî rayîr û bi konvoyan tewrê mîtîngî benî.
Mîtîngê Amedî ke seba piştîdayîşê çalakîya grevê vêşanîye ya Hemsereka Kongreya Komela Demokratîke (KCD) û parlamentera Partîya Demokratîke ya Şaran (HDP) ya Colemêrgî Leyla Guvene û 239 hepsîyanê sîyasî bi serkêşîya HDPyî û bi siloganê ‘Demokrasî Azadî û Edalet’ ame organîzekerdiş do Raşteyê Îstasyonî yê Amedî de sat 12.00î de mîtîng pê bêro. Seke yeno zanayene çalakîya Leyla Guvene û 239 hepsîyanê sîyasî seba wedarnayîşê tecrîdo girankerde ke Rayberê PKKyî Abdullah Ocalanî de yeno meşnayene dest pêkerdbî. Mîtîngo ke do pê bêro de sey qiseykerdox Hemsereka HDPyî ya Pêroyî pervîn Buldan, Hemserekê KCDyî Berdan Ozturk û Hemserekê DBPyî Mehmet Arslanî tewrê ci bibî. Seba tewrbîyayîşê mîtîngî bi desan hemwelatîyê Şirnexî û Mêrdînî bi konvoyan kewtî rayîr. Mîyanê kesê ke ameyî Amedî de parlamenterê Huseyîn Kaçmaz, Hasan Ozguneş û îdarekarê HDP û DBPyî yê Şirnex û Mêrdînî zî estî. AMED
