Li nêzî Salona Jîn a li çerxerêya Kawayê Hêsinkar a li navenda Efrînê, teqîneke mezin pêk hat. Çavkaniyên ji Efrînê dan zanîn ku di encama teqînê de kuştî û birîndar çêbûne
Qonaxa duyemîn a Berxwedana Serdemê ya li Efrînê berdewam dike. Di çarçoveya qonaxê de şervanên Hêzên Rizgariya Efrînê derbên giran li hêzên artêşa tirk û çeteyên girêdayî wê didin. Li gorî agahiyên ji Efrînê, li navenda bajar teqîneke mezin pêk hat.
Li gorî agahiyan, teqîn li navenda bajar li nêzî Salona Jîn a nêzî çerxerêya Kawayê Hêsinkar pêk hat. Çavkaniyên ji Efrînê dan zanîn ku di encama teqînê de kuştî û birîndar çêbûne.
Hêjayî bibîrxistinê ye ku piştî ku dewleta tirk û çeteyên girêdayî wê Efrîn dagir kirin, polîtîkaya qirkirin, guhertina demografyayê, pişaftin û zextê li herêmê meşand. Di vê çarçoveyê bi sedhezaran efrînî ji warên wan hatin koçberkirin, bi hezaran hatin qetilkirin, birîndarkirin, revandin û îşkencekirin. Li hemberî dagirkeriyê, şervanên YPG û YPJ’ê jî derbên giran li hêzên dagirker didin. Ji roja dagirkirinê heta niha bi sedan leşkerên dewleta tirk û çeteyên wê di encama van çalakiyan de hatin kuştin. EFRÎN
