Çalakiya hevseroka KCD’ê Leyla Guven a greva birçîbûnê ya bêdem û bêdorveger ku bi armanca tecrîdkirina Rêberê Gelê Kurd Abdullah Ocalan bi dawî bibe hatiye destpêkirin di roja 74’emîn de berdewam dike
Çalakiyên greva birçîbûnê yên li dijî tecrîdkirina Rêberê PKK’ê Abdullah Ocalan ku di pêşengiya hevseroka Kongreya Civaka Demokratîk (KCD) Leyla Guven de dest pê kiriye her ku diçe li girtîgehan belav dibe.
Çalakiya hevseroka KCD’ê Leyla Guven ku bi armanca tecrîdkirina Rêberê Gelê Kurd Abdullah Ocalan bi dawî bibe di 8’ê mijdarê de dest pê kiribû, di roja 74’emîn de berdewam dike. Her ku diçe rewşa tenduristiya Guven girantir dibe. Lê Guven bi biryar çalakiya xwe berdewam dike.
Çalakiya Endamê Meclîsa HDP’ê Nasir Yagiz ya li Hewlerê bi heman armanc û daxwazê dest pê kiriye jî di roja 61’an de berdewam dike.
Çalakiya grevê ya li Strasbourgê jî di roja 35’emîn de ye.
Li girtîgehên Kurdistan û Tirkiyeyê koma ewil ku di 16’ê kanûnê de li girtîgehan dest pê kir di roja 36’emîn de berdewam dike. Her wiha niha nêzî 239 girtî li zêdetirî 40 girtîgehan çalakiyên greva birçîbûnê yên bêdem û bêdorveger berdewam dikin. AMED
