Li nêzî Salona Jîn û Çerxerêya Kawayê Hêsinkar ên Efrînê du teqînên cuda rû dan. Encama teqînan nehat zanîn
Di demên dawî de li navenda Efrînê û gundewarên wê hejmara teqînan zêde bûye. Li gorî agahiyên ji çavkaniyên herêmê, îro li navenda Efrînê dengê 2 teqînan hate bihîstin.
Çavkaniyan destnîşan kir ku teqîna yekemîn li nêzî Salona Jîn û ya duyemîn jî li nêzî Çerxerêya Kawayê Hesênkar a li navenda kantona Efrînê pêk hat. Der barê encamên teqînê de heta niha tu agahiyên zelal nehatine bidestxistin.
Hêjayî bibîrxistinê ye ku duh jî li nêzî Salona Jînê teqîneke mezin çêbûbû lê der barê teqînê de agahiyên zelal nehatibûn bidestxstin. Her wiha şervanên Hêzên Rizgariya Efrînê jî hem li navenda Efrînê û hem jî li gundewarên wê li dijî hêzên artêşa tirk û çeteyên wê yên selefî çalakiyên bi bandor pêk tîne. EFRÎN
