Çalakiya greva birçîbûnê ya li Strasboûrgê didome û berxwedêrên çalakiyê ji bo ziyaretvanên xwe bi gulan diyarî amade dikin
Çalakiya greva birçîbûnê ya bêdem û bêdorveger ku di 17’ê kanûna 2018’an de ji bo rakirina tecrîda girankirî ya li ser Reberê Gelê Kurd Abdullah Ocalan, li bajarê Strasboûrgê yê Fransayê hatibû destpêkirin, di droja 35’emîn de bi çoşeke mezin didome. Berxwedêrên çalakiyê di nav rojê de ziyaretvanan pêşwazî dikin. Ji bo ragihandina xwestekên xwe xebatên dîplomasiyê dikin û êvaran jî bi gulan diyariyan amade dikin.
Çalakger parlamentera berê ya HDP’ê Dîlek Ocalan a ku gulan amade dike, têkildarî gulan diyar kir ku gulên ji wan re hatine tevî wêneyên Ocalan dikin şûşeyan û wiha got: “Em gulan navêjin û bi vî awayî ji bo çalakgeran diyariyan amade dikin. Ev gul tên wateya berxwedanê.” STRASBOÛRG
