Xwendekarên Zankoya Duhokê yên xelkê Şêladizê bi mebesta piştgirî bidin raperîna gelê Şêladizê ya li hemberî dagirkeriya Tirkiyeyê sirûdek pêşkêş kirin û berxwedana gel silav kirin
Xwendekarên Zankoya Duhokê yên xelkê Şêladizê û xizmên şehîdên Dêralokê bi gotina sirûdekî netewî û şoreşgerî piştgirî dan raperîna li dijî dagirkeriya dewleta tirk û hevkarên wan yên herêmî.
Xwendekar bi çend gotinan piştgiriya xwe radigihînin û raperîna gel silav kirin. Xwendekarên ku raperînê silav kirin, dijî derketina gel a li dijî dagirkeriya artêşa tirk jî weke şoreşekî bi nav dikin û dibêjin, ji ber ew ne gihiştine gel wan û tev li çalakiyê bibin, dixwazin bi gotina stranekî piştgirî bidin.
Sirûdeke şoreşgerî û neteweyî ya di serhildanên gelê kurd yên çar parçeyên Kurdistanê de tê gotin, vê carê li Duhokê ji aliyê xwendekaran ve hate gotin. Di sirûdê de navê Şêladizê hatiye bicihkirin.
Hikûmeta Herêma Federal a Kurdistanê bi daxuyaniyê raperîna gel li dijî dagirkeriyê weke ‘Fitne’ bi nav kiribû û diyar kiribû ku dê bi awayekî herî giran wan ceza bike. Nêçîrvan Barzanî jî bi heman şêweyî ji bo navbera wan û Tirkiyeyê xirab nebe, bi telefonê Wezîrê Karên Derve yê dewleta tirk Mewlûd Çavûşoglu re axivîbû. Bi vê lînkê dikarin sirûda xwendekaran guhdar bikin; https://www.youtube.com/watch?time_continue=75&v=uBZQYZxgi5o DUHOK
