HPG’ê bi daxuyaniyekê ragihand ku li girê Lêlîkanê yê başûrê Kurdistanê li dijî artêşa tirk çalakiyek li darxistine û di encamê de 3 leşker hatine kuştin
Navenda Ragihandin û Çapemeniyê ya HPG’ê daxuyaniyeke nivîskî weşand û diyar kir ku di 28’ê çileyê de li herêma Sîdekanê ya başûrê Kurdistanê li dijî leşkerên tirk ên li ser girê Lêlîkanê çalakiyek li dar xistin. Li gorî daxuyaniyê, derbên giran li çeper û stargehên artêşa tirk hatine xistin û di encamê de 3 leşker hatine kuştin.
Hat ragihandin ku artêşa tirk piştî çalakiyê bi obus û topên hawanê bombe li herêmê barandiye. Di dewama daxuyaniyê de li ser bombebarana balafirên şer ên artêşa tirk agahî hatin dayin û ev tişt hat ragihandin: “Di 26’ê çileyê saet di 19.30’î de balafirên şer ên artêşa TC a dagirker bombe li qada Kurojehro ya herêma Zapê ya Herêmên Parastinê yên Medyayê barandin. Ji ber bombebaranê tu zerar negihişt hêzên me.” BEHDÎNAN
