Asayîşa Silêmaniyê rê neda Eniya Niştimanî ya Li Dijî Dagirkeriyê ji bo piştgiriya raperîna xelkê Şêladizê ya li dijî dagirkeriya dewleta tirk daxuyaniyê bide
Eniya Niştimanî ya Li Dijî Dagirkeriyê dê îro saet di 11.00’an de li Parka Nalî ya li Silêmaniyê ji bo piştgiriya raperîna Şêladizê ya di 26’ê çile de li dijî dagirkeriya dewleta tirk, daxuyanî bidaya lê hêzên asayîşê dora parkê girtin û rê neda daxuyanî were dayîn.
Endamê Eniya Niştimanî ya Li Dijî Dagirkeriyê û çalakger Dilşad Babanî ji ajansa Rojnewsê re axivî û aşkera kir ku asayîşa Silêmaniyê bi hinceta ‘parastina aramiya bajar’ rê nedaye daxuyanî were dayîn û wiha got: “Hêzên asayîşê gotin ku bombebarana artêşa tirk zêdetir peywendî bi hikûmeta Iraqê re heye û rê nadin çalakiyê bikin.” SILÊMANÎ
