Şervanên HSD`ê di qonaxa dawîn a Şerê Tunekirina Terorê de şevê din 150 sivîl, di nav de 2 jin û zarokeke êzidî ku ji Şengalê ne, rizgar kirin
Qonaxa dawîn a hemleya Bagera Cizîrê ya bi navê Şerê Tunekirina Terorê li dijî çeteyên DAIŞ`ê di baregehên wan ên dawîn de didome. Şervanên HSD`ê rojane bi sedan sivîlan rizgar dikin. Di vê çarçoveyê de şevê din piştî ku korîdorên ewle hatin vekirin, şervanan 150 sivîl, di nav de 2 jin û zarokeke êzidî ku ji Şengalê ne, rizgar kirin.
Nûçegihanên ajansa ANHA’yê ku hemleyê dişopînin, ragihand ku jinên êzidî yên ku hatin rizgarkirin navên wan wiha ne; Meqbûla Xidir Baco, Raniya Celal û Buhar Bedir ên ji gundê Zorava û Til Qeseb ên Şengalê ne.
Hêjayî bibîrxistinê ye ku çeteyên DAIŞ`ê di êrîşên li ser Şengalê yên 3`yê Tebaxa 2014`an de, bi sedan jinên êzidî revandin û ew ber bi herêmên Sûriye û Iraqê yên di bin dagirkeriya xwe de birin.
Roja destpêkirina hemleya rizgarkirinê heta niha bi dehan jinên êzidî ji aliyê şervanên HSD’ê ve hatine rizgarkirin. DÊRAZOR
