Bîlançoya karesata li eyaleta Mînas Geraîsê ya Brezîlyayê ku ji ber hilweşîna bendava ji bermahiyên şîrketan pêk dihat her ku diçe girantir dibe. Hat zanîn ku heta niha cenazeyên 121 kesan hatin dîtin û bi sedan karker jî winda ne
Li eyaleta Mînas Geraîsê a li başûrê rojhilatê Brezîlyayê di 25’ê çileyê de bendava bermahiyan a şîrketeke madenê hilweşiyabû. Heta niha 121 cenaze ji aliyê tîmên rizgarkirinê ve hatin dîtin. Hate ragihandin heta niha agahî ji 226 welatiyan jî nayên wergirtin. Her wiha ji kesên hatin dîtin, nasnameyên 93 welatiyan hatine tespîtkirin.
Dîmenên karesata li Mînas Geraîsê ji hêla medyaya herêmî bi raya giştî re hatin parvekirin. Piraniya kesên di karesatê de jiyana xwe ji dest dan li şîrketa madenê ya Corrego do Fîjao ya koma Valeyê dixebitîn. Di dema karesatê de karkeran li kantîna şîrketê xwarin dixwar.
