HDP seba Şaredarîya Bajarê Girdî ya Stenbolî namzedanê xo dîyar nêkerd û do seba 6 qezayan namzedanê xo dîyar bikero. Ame zanayene ke namzeda Şaredarîya Bagcilarî ya Stenbolî parlementera HDPyî Huda Kaya ya.
Partîya Demokratîke ya Şaran (HDP) hewteyo peyên de merkezê pêroyî yê HDPyî de kombîyayîş pê arde. Badê kombîyayîşî ame aşkerakerdiş ke do bajaranê Dîlok, Riha, Edene, Anqara, Mêrsîn, Îzmîr û Stenbolî de seba Şaredarîya Bajarê Girdî namzedan nîşan nêdo. HDP da zanayene ke nê bajaran de namzedan nîşan nêdano, la do qezayanê înan de namzed bêrî nîşandayîş. HDP dîyar kerd ke do 6 qezayanê Stenbolî de namzedanê xo dîyar bikero.
Qezayê ke kurd tede zêdeyî de namzed yenî nîşandayîş
No çarçewe de HDP do qezayanê Bagcilar, Kagithane, Arnavutkoy, Esenler, Bakirkoyî de namzedan dîyar bikero. HDP vîşêrê nê qezayan do qezayê ke kurd tede zêde cuyenî de namzedan nîşan bido. Rêxistina HDPyî qezaya Bagcilarî ke girseyêko zêde tede esto de parlamentera HDPyî ya Stenbolî Huda Kayaye sey namzed nîşan bida.
HDP do Marmara de zî namzedanê xo dîyar bikero
HDP vîşêrê Stenbolî do bajaranê Tekirdag, Edirne, Bursa, Kocaelî û Balikesîrî de zî bi nameyê xo şêro sindoqan ser û heme qezayanê ke tede hêzê ci xurtî de namzedan nîşan bido.STENBOL
